Celébrase en Muséu del Pueblu d'Asturies el Día del Emigrante y Retornáu d'Asturies

El programa d'actos entama a les diez de la mañana con una recepción por na Casa Conceyu y remata con una espicha pela tarde.

L'Axencia Asturiana d'Emigración y la Asociación de Emigrantes Españoles Retornaos d'Asturies organicen l'acontecimientu cola collaboración del Ayuntamientu de Xixon y el Muséu del Pueblu d'Asturies, anque los actos yá entamaron ayeri cola celebración d'una xornada de debate sobre'l fenómenu del emigrante retornáu que se fizo en Centru Municipal de l'Arena en Xixón.

Más de 300 persones van asistir a esta xornada del el Día del Emigrante y Retornáu d'Asturies, que va incluyir pa los participantes una visita al Muséu del Pueblu d'Asturies y a la ciudá, anque l'actu central del día va ser la mesa redonda que va facese a les cuatro y media nel Salón d'Actos del Pabellón del Pueblu d'Asturies y na que va analizase'l fenómenu de la emigración xuvenil.

Na xornada d'ayeri, el secretariu xeneral de la Federación Española d'Asociaciones d'Emigrantes Retornaos Carlos López Pujol dio dellos datos pa la reflexón sobre la situación de munchos emigrantes asturianos que cuenten con facer el camín de vuelta. Según les estadístiques que tien la FEAER, 500.000 emigrantes españoles de segunda y tercer xeneración cuenten con volver a la tierra de los sos padres y güelos, de los que 200.000 yá lo pidieron, alcontrándose a la vuelta con problemátiques específiques llaborales y sociales pa les que les alministraciones nun tienen siempre les rempuestes afechisques.

Según datos de la FEAER relativos a Asturies, la nuestra comunidá, con ser de les que más emigrantes tuvieron, nun ta ente les primeres en tasa de retornaos, anque nel añu 2.002 foron, según estimaciones aprosimaes, cerca de 4.000 los emigrantes que decidieron tornar, los más d'ellos dende países del Sur d'América.