La opción 'Ceares' gana con un 51,74 por cientu de los votos

L'UC Ceares nun va adaptar el so nome pa recoyer la toponimia tradicional del barriu. Ganó la opción 'Ceares' con un 51,74 por cientu de los votos, una diferencia de 6 papeletes.

Un total de 549 socios teníen derechu a votu nel referéndum, amás de la plantiya del club, pero namái acudieron a les urnes 179 persones –un grupu reducíu fíxolo per corréu–, lo qu'asitia la participación nun escasu 32 por cientu. La entruga final yera '¿Cuál quiere que sea el nombre oficial del club?/¿Cuál quier que seya'l nome oficial del club?', con dos opciones: Unión Club Ceares y Unión Club Ciares. 89 persones marcaron la opción castellana, mientres que 83 (un 48,26 por cientu) deseaben adoptar el topónimu tradicional del barriu xixonés. Hebo 6 votos en blancu y ún nulu. D'esta manera, el club xixonés fundáu nel 1946 caltién la denominación Unión Club Ceares por un marxe curtiu.