CCOO empondera'l que los médicos puedan dase de baxa en colexu

La sección de sanidá de CC OO emponderó ayeri la decisión del Gobiernu asturianu na llei d'acompañamientu de los presupuestos pa 2004 que desanicia'l requisitu de la colexación obligatorio de los profesionales de la sanidá asturiana. Na rueda de prensa, el secretariu xeneral de la Federación de Servicios Públicos de Comisiones, José Antonio Gómez Parra, denunció tamién les supuestes presiones sobre profesionales dende'l colexu, que supuestamente taría alvirtiéndo-yos a los médicos de que nun puen dase de baxa. El representante sindical afaló a los médicos asturianos a dexar el colexu, entidá que-yos cobra ente 15 y 40 euros al mes, y dixo que d'equí a la vuelta de seyes meses ye facil que más del 40% de los médicos asturianos se tengan dao de baxa del so colexu