Cataluña estrena fábrica de biodiesel

Esta mañana inaugurose oficialmente en Montmeló (Cataluña) la primer fábrica estatal de biodiesel, un combustible que concueya dafechu en calidá y aplicaciones col gasoil pero que, en cuenta de ser d'orixe mineral, vien de sintetizar y tratar l'aceite vieyo de freir y otres grases qu'hasta agora marchaben directamente pelos desagües. Con capacidá pa facer 6.000 tonelaes al añu de biodiesel, la planta de Montmeló, que yá lleva meses funcionando y que se fizo col sofitu del Institutu Catalán de la Enerxía, ye l'anticipu d'otra que va facer 50.000 tonelaes. Pal mercáu local, la empresa distribuidora Petromiralles yá tien nos sos surtidores una clase nueva de gasoil pa coches y camiones que ye un mecío de gasoil mineral y "bio" al 30%, pero como que'l mercáu local nun ta preparáu p'asumir tola producción, la empresa International Biodiesel va ser quien lleve la venta y repartu del productu.La inauguración oficial de la fábrica catalana trai otra vegada a l'actualidá l'asuntu de la fábrica asturiana de biodiesel, que de momentu sigue ensin sabese nada definitivo d'ella. Según la casa d'inxeniería Isastur, promotora de la fábrica, el proyectu de la planta ta pendiente de recibir un allugamientu definitivu y tamién de concretase qué tecnolxíes van ser les que s'empleguen.