Carreño va tar presente na Davis Cup nueva

Bruguera convoca al xixonés pa la fase final.

La madrilana Caja Mágica, con superficie dura, va acoyer del 18 al 24 de payares la primer edición de la Davis Cup nel so formatu nuevu. La competición dexa les eliminatories a lo llargo del añu pa concentrar la competición nuna selmana, convirtiéndose asina nuna especie de Mundial de tenis.

Nella va tar Pablo Carreño, que'l sábadu cayó nes semifinales del Intrum Stockholm Open, tornéu ATP 250, col serbiu Filip Krajinovic (4-6, 6-3 y 6-3). El seleicionador Sergi Bruguera convócalu xunto con Rafael Nadal, Roberto Bautista, Feliciano López y Marcel Granollers.

España quedó encuadra per sortéu nel grupu B xunto con Croacia y Rusia. Los enfrentamientos pasen de 5 a 3 puntos, con dos individuales y un dobles a 3 sets, clasificándos pa cuartos de final los campeones de los seis grupos y los dos meyores por set y xuegos ganaos.

Semeya obra de si.robi baxo llicencia CC BY-SA 2.0.