Carlos Rubiera reedita "Viaxe al silenciu"

El cantante y compositor asturianu Carlos Rubiera presentó ayeri na sé de la SGAE n'Uviéu la segunda edicióndel so discu "Viaxe al Silenciu" una obra que'l cantante de Garvelles y padre del "nuevu canciu astur" asoleyare nel añu 2.002 y que llevaba meses escosada.

Según esplicó Carlos Rubiera, esta segunda edición de Viaxe al Silenciu, editada pol so propiu sellu "discos La Capitana" ye daqué más qu'una cenciella reedición del discu, revisándose delles pieces del mesmu. El cantante sorrayó la idea de que "viaxe al silenciu" que dedicó a l'aklcordanza del gaitreru Manolo Quirós, supón la so vuelta a la música activo y un saltu cualitativu hacia la música culto gracies al desarrolu de la so nueva voz de barítonu. El discu inclúi una versión del "Viatge a Itaca" del catalán Lluis Llach y pieces tradicionales asturianes adaptaes pa pianu y barítonu,amás de la Cantata mariñana de la que l'autor declara tar especialmente arguyosu.