Carapaz liderará con Landa'l Movistar na Vuelta a Asturies

El mozu ciclista ecuatorianu ye l'actual ganador de la carrera asturiana.

Los planes del Movistar Team son que Richard Carapaz repita na LXII Vuelta a Asturies, según anunciaron güei dende la organización de la competición. D'esta forma, lideraría l'equipu que presentaría l'equipu UCI WorldTeam, únicu d'esta categoría de los 16 que va formar el pelotón que salga d'Uviéu'l 3 de mayu, xunto con Mikel Landa.

L'añu 2018 foi'l de la esplosión del de Julio Andrade, población del norte d'Ecuador cercana a la llende con Colombia. Catorce díes depués de ganar en L'Acebu na segunda etapa de la Vuelta a Asturies y llevar la xeneral, no que sería'l so primer trunfu como profesional, fadría lo propio en solitariu na octava del Giro con final nel santuariu de Montevergine, nos Apeninos italianos.