Campeonatu de bandes de gaites esti domingu

Esti domingu en Xixón ye la segunda edición del Campeonatu Nacional de Bandes Gaites, que va contar cola participación de seis bandes d'Asturies y una madrileña.Con esta sedría la segunda edición del campeonatu, que quier afitase como la forma d'escoyer a la banda de gaita asturiana con más nivel técnicu y estéticu. El campeonatu sigue'l modelu de campeonatos que fai bien d'años hai en Galicia, el propiu xuráu vuelve a ser gallegu como ya pasó l'añu pasáu. La organización especuló cola posibilidá de que pa esti añu hubiera un xuráu asturianu, pero les posibles desconfiances que pudiera haber nel polémicu mundu de les gaites fizo que los organizadores traigan al xuráu dende Galicia.Les bandes participantes van ser "Llariegu", ganadora na pasada edición na categoría de meyor banda y segunda nel apartáu de meyor sección de percusión, vuelve a presentase con munches papeletes pa ganar nes dos categoríes esti añu; "Candás", que tuvo nun tris de presentase l'añu pasáu, anque finalmente nun lo ficieron, lleguen esti añu con una banda bien armada que pue tener un bon puestu; "La Reina de Truébanu" banda del occidente asturianu que s'estrena nel concursu, "Xácara", banda de la escuela de música tradicional uvieina que tien un soníu bastante curiosu pal tiempu que tienen de vida y que pue quedar nun puestu bastante buenu , "Corvera", banda que ya participó l'añu pasáu y qu'esti añu fízose famosa por dir a tocar a el mundial de Korea, "Villaviciosa-Ribesella", xuntanza de dos bandes del oriente que tamién paez ser que vienen con un bon nivel pal campeonatu, pa finar dende Madrid vien "La Tayuela de Mecer", única representante esti añu de les bandes qu'hai fuera d'Asturies. Esti añu participen dos bandes menos, cola ausencia destacada de "Villa de Xixón", que na pasada edición quedó en segunda posición, y que desfízose va poco por problemes internos. El llugar onde va celebrase'l campeonatu ye'l Pueblu d'Asturies en Xixón a partir de les 12:00 la mañana.