Campaña de recuperación de la toponimia en L.lena

El Conceyu de L.lena entamó estos díes la segunda fase de la so campaña de recuperación de la toponimia de les sos parroquies. La capital del conceyu y los pueblos d'Arnón, Xomezana Riba, Xomezana Baxo y San Bras van ser los llugares au s'asitien les nueves señales indicadores, que son parte del programa desarrolláu pol Serviciu de Normalización Llingüística de L.lena.

12 indicadores de llugar, que correspuenden colos topónimos La Caleya, L.lencia, La Fuente l'Ablanu, La Crespa, Robleo, El Masgaín, El Molín de la Sala y Santa Cristina son los que tan asitiándose estos díes nos llugares correspondientes. La operación tien un de 2.400 euros subvencionaos pola Conseyería de Cultura al traviés del Plan pa la normalización social del asturianu nel ámbitu de los conceyos.

Na primer fase d'esta campaña toponímica, que se desarrolló a últimos del 2004, cubriéronse los llugares de Piñera Riba, Piñera Baxo, Columbiel.lo, El Questru, Corneyana y Fresneo. Otramiente, la Oficina de normalización llingüística editó un trípticu con tolos topónimos del conceyu ya oficializaos.