CaleyAvilés fina con una visita pel cascu históricu

Esta iniciativa permite conocer n'asturianu llugares y zones del conceyu de la mano del guía oficial Denis Soria.

Tres visitar la la playa de San Xuan, les dunes de L'Espartal y la charca de Zeluán en xunetu, y el parque de Ferrera n'agostu, CaleyAvilés avera agora a los ciudadanos "al cascu históricu d'Avilés, descubriendo la historia d'una ciudá milenaria, al traviés de los sos monumentos". Va ser mañana, de 17,30 a 19,30 hores, con salida de la Casa Conceyu.

La Estaya de la Llingua d'Avilés entama esta esitosa propuesta, que ye de baldre, cola necesida eso sí d'acutar plaza al ser cada visita llendada a un númberu de persones. La inscripción pue facese na propia oficina de normalización, na Casa la Cultura; al traviés del númberu de teléfonu 985.54.55.08; o del corréu electrónicu estayallingua@ayto-aviles.es.