Cadavéu recibe'l XXXIII Premiu al Pueblu Exemplar d'Asturies

|
Ermita del prau de La Regalina en Cadavéu

La Fundación entrega'l día enantes los Premios Princesa de Asturias nel Campoamor, teatru frente al que ta convocada, un añu más, una protesta republicana.

Yá ta too preparáu en Cadavéu pa recibir el reconocimientu de Pueblu Exemplar d'Asturies. Al meudía van principiar tolos actos, nos que participen los reis d'España, la princesa Leonor y la infanta Sofía, d'esti premiu que tien les bases nes trés llingües falaes nel país y respeta la toponimia oficial.

Primero, esta tarde, la Fundación Princesa de Asturias entama la ceremonia d'entrega de los XLII Premios Princesa de Asturias, que va tener llugar a les 18.30 hores nel Teatru Campoamor. Los gallardonaos nesta ocasión son Carmen Linares y María Pagés (Artes); Adam Michnik (Comunicación y Humanidaes); Eduardo Matos Moctezuma (Ciencies Sociales); la Fundación y Equipu Olímpicu de Refuxaos (Deportes); Juan Mayorga (Lletres); Ellen MacArthur (Cooperación Internacional); Geoffrey Hinton, Yann LeCun, Yoshua Bengio y Demis Hassabis (Investigación Científica y Téunica); Shigeru Ban (Concordia).

Concentración na Escandalera

Delles organizaciones sociales y polítiques, ente elles Andecha Astur o'l Partido Comunista de Asturias, van participar na convocatoria 'Asturies Nun Tien Rei' convocada a les 17.30 hores na Escandalera. Sindicatos tamién van dar visibilidá a conflictos llaborales como'l de Duro Felguera.

Na semeya, ermita del prau onde se celebra La Regalina, en Cadavéu.

Contador Estadistiques