Berto Cobreros presenta "abocaos"

Mañana xueves va presentase nel Atenéu Obreru de Xixón la novela nueva de Berto Cobreros, entitulada "Abocaos".

Berto Cobreros ye autor de liibros de relatos y coordinador de llibros de testu pa la enseñanza del asturianu en Primaria y Secundaria. La so obra lliteraria entamó en 1991 con "Que seya pela nueche" una narración breve destinada al públicu xuvenil. Tres años más tarde Cobreros Gil publicó'l so primer llibru p'adultos "Escritos del papel rosa" un conxuntu de relatos de construcción cenciella y temática realista. A medies con Carme Martínez escribió un cuadernu infantil con vocación ecolóxica tituláu El llibru secretu de la biesca : egagrópiles.

Pa presentar esti nuevu trabayu d'esti autor asturianu nacíu en Zamora en 1955 va tar presente tamién el caderalgu de lliterartura del Institutu Rosario Acuña, Benigno Delmiro Coto. L'actu va ser esti xueves a les 7 de la tarde nel local del Atenéu Obreru de Xixón, asitiáu na Cai Cuadonga.