Baxen los precios n'Asturies

L'Índiz de Precios al Consumu baxó n'Asturies un 1% nel mes de xunetu, dós décimes más que la media española, que ye del 0,8%
. Les rebaxes del testil mandaron esti descensu de los precios.

Con esta baxada l'IPC rexistra una xuba no queva d'añu del 1,4% y una interanual del 3,4%. Los artículos d'ociu y cultura xubieron un 1% en xunetu, lo mesmo que la hostelería, pero ropa y calzáu fundieron los precios con espectaculares campañes de rebaxes de branu, baxando un 11,9%.

Sectores como los de comunicaciones, que baxaron dos décimes los precios, presentaron tamién tendencies deflaccionistes, mientres qu'el preciu de los combustibles namás xubió un 0,2% contra'l 0,8% de xunu, lo qu'ayudó a que los precios se contuvieren.

No que se lleva d'añu los precios xubieron en tresporte un 6,1% (equí va metida la xuba de la gasolina) y n'alcohol y tabacu un 5,5%, y, anque ropa y calzáu presentaron esti mes un comportamientu deflaccionista dafechu, na interanual si presenten entovía una tasa positiva, mientres que les comunicaciones, col -0,9% y y l'ociu y la cultura col -0,9% tamién, son más baratos que en xunetu del 2.003. Ver los datos na web del INE