Baxada del paru n'Asturies

El paru baxó n'Asturies nel mes de marzu nun 2,4 por cientu, penriba de la media estatal, que foi del 1,9 por cientu. En cifres absolutes, el paru baxó n'Asturies en marzu en1.365 persones, lo que dexó la interañal col 2004 con una mengua de más de 3.000 paraos, un 5,14 por cientu menos y la cifra total de desempleaos en 55.604 persones.

El sector que más fizo pola baxada del paru foi'l de servicios, rexistrándose tamién un altu índiz de colocación ente los menores de 25 años. Tolos sectores rexistraron baxaes del paru nesti mes, anque agricultura representa una pequeña escepción al baxar el paru nel mes pero xubir na interañal. Por conceyos, la baxada del paru prodúxose nun total de 46 conceyos, y notose sobremanera en Xixón, onde les oficines de colocación sumaron ente toes elles 845 paraos menos, anque la baxada del paru más espectacular en númberos relativos foi la de Llanes, onde la llista de demandantes de trabayu baxó un 12,45%. Uviéu y Siero foron conceyos onde tamién baxó'l paru, mientres que les oficines de Mieres, Cangas del Narcea y Llangréu tuvieron a la cabeza de los 26 conceyos que rexistraron xuba nel númberu de demandantes d'emplegu. Namás el 10% de los contratos que se firmaron foron indefiníos.