Baxada del paru en marzu

Tan acabante de facese públicos los datos del paru n'Asturies nel mes de marzu, nel que la cifra de demandantes d'emplegu nes oficines públiques del Principáu baxó en 1.719 sobre'l mes de febreru. La cifra total de paraos ye agora de 56.296 persones, segunda más alta del estáu tres d'Estremadura y con un desequilibriu grande por xéneros, con más de 35.000 muyeres en paro por 20.000 homes. Nel mes de marzu firmáronse 21.171 contratos, 19.273 d'ellos de calter temporal y 1.898 indefiníos. Anque la cifra parcial ye bona y tamién previsible, en cuantes que dende febreru a últimos del veranu el mercáu llaboral astur mueve más recursos, pero l'interanual con marzu del 2.002 aporta una cifra negativa, con un total de 1.073 paraos más.