Baxa la población activo

L'Institutu d'Estadística asoleyó esta selmana los datos de la Encuesta de Población activo del cuartu trimestre del añu 2.001. El resultáu de la EPA foi de 377.500 persones, 11.400 menos que nel trimestre anterior (-3,37%). D'estes 377.500 trabayaben 328.000, lo qu'ufierta una tasa de paru del 13,07%, un poquiñín perriba de la media estatal, qu'anda pel 12,96%.Los númberos son necios, y certifiquen qu'Asturies, con 4.500 persones menos na EPA que nel cuartu trimestre del 2.000 (-1,36%) nun sigue la tendencia del restu del Estáu, onde la tasa de población activo, anque baxó nesti IV trimestre, ye más alta que n'avientu del 2.000. La cifra de población activo lleva cayendo, casique gradualmente, dende'l segundu trimestre del 2.000, que llegó a un másimu de 402.000 persones, y esta ye la baxada más grande que da dende qu'entamó esi procesu de perda d'activos. (ver históricu dende l'añu 98)