Bastiazu de denuncies por una matanza de llobos nos Picos d’Europa

L'asociación ecoloxista "Ecoloxistes n´Acción d´Asturies" dio anuncia de que tamién va poner denuncia nel Xulgáu de Primer Instancia de Cangues d'Onís contra ún técnicu del Parque Nacional de los Picos d'Europa pola matanza d'una camada de siete llobercos, a los que se-yos dio muerte a palos esti xueves . La denuncia de los ecoloxistes vien tres de les que presentaren dellos particulares énte la Guardia Civil y la Fiscalía de Mediu Ambiente. L'asociación tien pa ella que, acordies cola información que tien, la matanza fízose ensin autorización y ensin dar parte d'ella a l'aministración del Parque. Al paecer, namás ún de los técnicos del parque decidió entamala a palos colos animales, mientres qu'otros trés ñegáronse a participar de la matanza