Barroso defende crear un impuestu a los bancos y actividaes financieres

El presidente de la Comisión Europea, Joao Manuel Durao Barroso, apoyó la creación de "un impuestu a los bancos" a nivel comunitariu y, "si ye posible", tamién un gravame a "es actividaes financieres" nel so conxuntu.

"Tamos debatiendo colos nuesos Estaos miembros. Tamos a favor de polo menos d'un impuestu pa los bancos", esplicó en rueda prensa conxunta col primer ministru húngaru, Viktor Orban, al términu de la xunta ente l'Executivu comunitariu y el Gobiernu húngaru al completu, nel arranque de la so Presidencia de vez.
  
El xefe del Executivu comunitariu dexó claro que Bruxeles define coles mesmes la creación d'otru impuestu pa grabar "les actividaes financieres" a nivel comunitariu. "Si ye posible", repostió.
  
"Creemos que va ser posible, anque esto tovía ta analizándose, tener lo que llamamos un impuestu sobre les actividaes financieres. Creemos que tendría de ser polo menos a nivel européu pa (caltener) la competencia nel mercáu interior", repostió.
  
En tou casu, Barroso defendió articular esti tipu de midíes atendiendo a "un enfoque común" pa evitar "efectos de distorsión pa la competencia". "Tamos a favor d'un enfoque común pal impuestu a los bancos y si ye posible tamién pa un impuestu sobre les actividaes financieres", acabó.