Barbón: "Nun entiendo un posicionamientu de la FSA que nun pase pola defensa d'Asturies, de la so tradición y llingua"

|
Adrián Barbón

El presidente fixo estes declaraciones nuna entrevista nel diariu madrilanu 'El País'.

"Colos datos de Madrid, yo yá solicitara l'estáu d'alarma" entitúlase la información espublizada na edición del sábadu del periódicu. Centrada principalmente na crisis del coronavirus, Adrián Barbón respuende, pa finar, tamién a una entruga del periodista sobre si'l PSOE asturianu pueda buscar enanchar "el so espaciu defendiendo ciertes banderes rexonalistes".

"La Federación Socialista Asturiana cumple 120 años en xineru. Si llegamos hasta equí ye porque tamos íntimamente xuníos a Asturies", principió'l presidente, qu'añadio que "yo siempre digo que somos el partíu d'Asturies, creo que lo representamos de forma fiel porque evolucionamos con Asturies, cambiamos con Asturies. Igual qu'Asturies va cambiando y va plantegándose retos nuevos, la Federación Socialista Asturiana va actualizando'l so discursu. Nun entiendo un posicionamientu de la Federación Socialista Asturiana que nun pase pola defensa d'Asturies, de la so tradición, de la so cultura, de la so historia, de so llingua y de los sos valores".

Semeya obra d'Armando Álvarez.

Contador Estadistiques