Barbón esixe a Von der Leyen un arancel ambiental pa protexer l'aceru asturiano

|
Adrián Barbón na XXIII Conferencia de Presidentes

La presidenta de la Comisión Europea participó como convidada por Pedro Sánchez na XXIII Conferencia de Presidentes.

L'alcuentru telemáticu d'esta mañana taba centráu nel Plan de Recuperación européu, d'ehí la presencia d'Ursula von der Leyen. Esti fechu aprovechólu Adrián Barbón pa esixi-y “un arancel ambiental que protexa la nuesa producción siderúrxica sobre les importanciones d’aceru puerco que ta faciendo que compitamos en desigualdá de condiciones”.

Tamién defendió la cohesión territorial na reconstrucción pola pandemia de COVID-19, “qu’ha de tener en cuenta sobre manera factores como l’avieyamientu y el despoblamientu, que ye una realidá que nos afeuta de manera especial a Asturies”, asina como “la exa de la igualdá ente homes y muyeres”. Por último, pidió que’l fondu de 750.000 millones d’euros “sían cofinanciaos al cien por cien y que pueda haber un adelantu a les diferentes comunidaes”.

Pela so parte, el presidente del Gobiernu estatal dio anuncia de que les autonomíes van executar direutamente más del 50 por cientu de dichu plan de reconstrucción. D’igual forma, Sánchez adelantó que mañana va aprobar en Conseyu de Ministros l’anteproyeutu de los Presupuestos Xenerales del Estáu pal 2021, que va incluyir un adelantu de 27.000 millones d’euros con cargu a los fondos europeos.

Contador Estadistiques