Bandes asturianes de viaxe per Europa

Empieza a nun ser noticia que bandes de gaites asturianes salgan a actuar pel estranxeru, pero ye bueno fixanos un poco, y ver la repercusión que poco a poco van algamando les formaciones asturianes per fuera, y reconoce-yos a estes formaciones el so trabayu.Nesta ocasión son dos bandes de gaites, la Banda de gaites Villa d'Avilés., que va dir a un festival los díes 10 y 12 de mayu nel pueblu de Laas, ente Peau y Bayona. Esti ye'l mesmu festival onde van actuar Dixebra y Folkgando del que vos informamos fai unes selmanes. Esta banda gaites, fundóse n'agostu de 1998, fórmenla 25 miembros y ta dirixida por José Manuel Camaría.La otra banda ye La Raitana, banda que tien músicos principalmente de Nava y Piloña, y que dirá pa Italia, concretamente pa Sicilia. Elli en Sicilia, participaran nel 47. º Festival Internazionale de Folklore de la localidá d'Agrigento. La Raitana tien como direutor Flavio Rodríguez Benito, antiguu gaiteru de Llan de Cubel, y ta formada por alumnos de les escueles de música de Nava y Piloña.