Banda ancho nel Cuartu los Valles
23 Xunu, 2004 por Redacción
- Inicie sesión o rexístrese pa espublizar comentarios
La Conseyera de Mediu Rural y Pesca, Servanda García, y el Director del Institutu de Desarrollu Rural, Eduardo Lastra, visitaron ayeri les instalaciones qu'apurren conexón de banda ancho a internet a los vecinos de Navelgas, Bárzana'l Monesteriu, L.luciernas, Troncáu, San Pedro, Miñu, Anzas y Muñalen.
La iniciativa oficial que llevó la banda ancho a Tinéu financióse con 72.000 euros de fondos FEDER qu'apurre la UE pal programa Cyberal.
En cuantes a la solución técnica emplegada, los hanbitantes de Navelgas tienen banda ancho graciesa un noyu d'ADSL de Telefónica, mientres que los demás pueblos tienen conexón a internet vía satélite. Los 12 millones de pesetes invertíos dán-yos conexón nesti intre a 45 usuarios, 19 en Navelgas y 26 nos pueblos de la redolada
La primera zona rural asturiana que se benefició d'un proyectu asemeyáu foi Berducedo-Tremado, en conceyu d'Allande, onde dende agostu del 2.003 los vecinos tienen conexón a la rede vía satélite.
El total d'intervenciones que se contemplen en proyectu pasa de los 80 millones de pesetes, financiaos al 75% por fondos FEDER.
Efrén d'Andrés
Lo + visto de la selmana
