Avilés celebra'l Día de la Diversidá Biolóxica con un videu n'asturianu

|
Cañón d'Avilés

Trátase d'una visita virtual al Caladeru de Carrandi, ún de los más destacaos ecosistemes del mar Cantábricu.

El 22 de mayu celebráse en tol mundu'l Día Internacional de la Diversidá Biolóxica, qu'esti añu tien el lema 'Les nueses soluciones tán na ñatura". Esta xornada ta proclamada por Naciones Xuníes pa conmemorar l'aniversariu de l’aprobación del Conveniu sobre la Diversidá Biolóxica, robláu nel 1992.

Avilés quier sumase a esta celebración y la Estaya de la Llingua, el SNL llocal, failo al traviés d'una de les mayores ayalgues naturales del conceyu: el Caladeru de Carrandi o Cañón d'Avilés. Asina, va estrenar a les 17 hores un videu que va servir de visita virtual a esti allugamientu con un valor biolóxicu incalculable.

La Fundación Diversidá del Ministeriu de Transición Ecolóxica y Retu Demográficu cede les imáxenes pa esta pieza audiovisual nel que participen los biólogos Miguel Solís Santos y Deva Blanco Machicado. El videu va poder vese na web de la Estaya de la Llingua d'Avilés.

Na semeya, mapa del ministeriu onde se pueden ver los cañones submarinos d'Avilés, consideraos de los más fondos del planeta a llegar a los 4.700 metros.

Contador Estadistiques