Otru añu más Avilés celebra la seronda cola cultura tradicional asturiana. Organizada pola asociación Xuntanza, la VIII Seronda d’Avilés va axuntar esti fin de selmana delles actividaes rellacionaes cola cultura y música de raigañu.
Amagüestu, amuesa d’oficios tradicionales, talleres infantiles, esfoyaza, cuentacuentos o esposición d’indumentaria tradicional son dalgunes de les actividaes que van tar presentes nel Parque’l Muelle’l 5 y 6 de payares na VIII Seronda d’Avilés.
Esti eventu que recupera los vezos tradicionales del país tampoco escaez la música de raigañu. Duerna, El Koku La Mazana, la banda de gaites Villa d’Avilés y Chema Puente son dalgunos de los encargaos de poner son al actu. Amás, el baille tradicional tamién va tener el so protagonismu coles actuaciones de Pleamar, Xaréu d’Ochobre o Escontra’l Raigañu, ente otres.
Adxuntu | Tamañu |
---|---|
![]() | 68.5 KB |