Ataque a Palestina

Ayeri l'exércitu israelín tomó al asaltu los territorios de l'Autoridá Palestina en Ramala nun día de violencia como nun se viere dende va años en Palestina qu'acabó con 40 muertos, a los qu'hai que suma-yos los muertos nos ataques a Gaza. Nun dexa de ser irónico qu'esta mañana haya un tanque en cada esquina de la ciudá cuando la selmana pasada'l gabinete Xarón-y prometió a Arafat que-y dexaría salir de la sé del gobiernu onde ta trancáu dende va meses. La llicencia de Xarón pa dexar salir a Arafat provocó un terremotu na estaya más d'ultraderecha del so gabinete qu'acabó cola dimisión de dos ministros.L'ataque del exércitu israelín provocó un conceyu estraordinariu del Conseyu de Seguridá de la ONU nel que, a propuesta de los EEXX, salió una resolución que, per primer vez na historia, fálase d'Estáu Palestinu. Pa siguir l'actualidá, recomendamos mirar pal Palestine Media Center y el diariu israelín Haaretz (edición n'inglés). L'artículu de Sami Nair n'El País de güei ayuda a atalantar les claves de los socesos d'estos díes.

Contador Estadistiques