Asturpharma, premiu a la meyor empresa esportadora

L´Asociación Asturiana d´Esportadores, Esportastur, dio anuncia del ganador del premiu anual a la meyor empresa asturiana en volume d'esportaciones, premiu que foi pa la compañía farmacéutica Asturpharma. La farmacéutica vende´l 99% de la so producción fuera del país y ye una de les principales compañíes en fabricación de medicamentos xenéricos. L' añu pasáu, la compañía asitiada en polígonu Silvota tuvo una facturación de 15 millones d´euros, mentantu que les previsiones pa esti añu raspien los 20 millones. Nos planes de la empresa astur ta el facturar 30 millones d´euros nel 2005 y continuar espardiéndose pel mundu p'alantre, méritos abondos pa Pa merecer esti Asturcón d´Oru a la Esportación .


Asturpharma creose en 1985 pola reorganización de Llaboratorios Abelló, siendo propietariu de la compañía l'arxentinu d´orixe astur Gerardo Arias Aguilar. Asturpharma tien como principal mercáu fuera d´Asturies el de los Estaos Xuníos, onde se manden el 70% de les sos esportaciones. Asturpharma da trabayu a 110 persones y ye anguaño una de les principales empreses asturianes no referente a investigación con 18 patentes rexistraes y cuatru más en procesu.