Asturies.com TV presenta “Rita” de Manta Ray

La emisión d'Asturies.com TV amiesta güei'l video que-y fexo al grupu Manta Ray el realizador Ramón Lluis Bande. El tema nel que se basa'l videoclip entitúlase "Rita" y ye l'instrumental que-y facía d'antoxana al discu "Esperanza" segundu trabayu n'estudiu d'esti grupu veteranu de la escena del Xixón Sound. El video supón tamién una de les munches collaboraciones ente la banda y Ramón Lluis Bande, col que dempués diben rodar "estratexa" una cinta na que la música del grupu acompañaba les semeyes de l'Asturies de los años 30 de Constantino Suárez xunto con una entrevista al veteranu guerrilleru asturianu Manuel Alonso. Per separao, los músicos de Manta Ray y Bande tamién tienen fechos trabayos como "El fulgor" con Nacho Vegas.