Asturies.com llega a la universidá d'Oslo

Asturies.com, conxuntamente cola edición electrónica del diariu La Nueva España, ta siendo la base pal proyectu "Intance II" (IIntermedia Storage Node Concept - II) un desarrollu que ta sacando alantre'l Grupu d'investigacion Distributed Multimedia Systems, formáu por miembros de la rede d'escelencia de la Unión Europea E-NET enxertos nel departamentu d'informatica de la Universidá d'Oslo (Noruega).

Los caderalgos Vera Goebel y Thomas Plagemann, editor esti últimu de de la prestixosa revista Transaction on Multimedia son los directores d'esti proyectu nel que participen ocho investigadores ente los que s'alcuentra'l profesor de la Universidá d'Uviéu Xabiel García Pañeda. L'oxetivu del proyectu Intance II ye'l del desarrollu de soluciones pa la siguiente xeneración de les infraestructures de distribución multimedia, encurtiando tiempos de rempuesta na descarga d'archivos, usu de los recursos y costes, too ello amás de manera que'l sistema pueda aplicase a grandes escales tanto pa servicios de baxa interactividá comolres aplicaciones de video baxo demanda como les d'interactividá alta como ye'l casu de la llectura baxo demanda y los xuegos on-line.

Los servicios d'Asturies.com Radio que lleva yá un añu funcionando y que cada vegada rexistra una mayor aceptación por parte de los nuestros llectores, y l'acabante d'inaugurarAsturies.com TV que permite la descarga de vídeos baxo demanda, son les dos aplicaciones qu'esta casa ta desarrollando en collaboración con esti importante proyectu.