Asturies.com grabó con Dixebra

Asturies.com acompañamos a Dixebra na grabación del so nuevu discu "Ensin Novedá" que va salir al mercáu d'equí a la vuelta de mui pocos díes. Les impresiones de Xune Elipe y l'ambiente que se vivía nos estudios Tutu de Corvera nos últimos díes de la grabación del discu espeyáronse nel vídeo que se grabó p'Asturies.com TV. "Ensin novedá" va presentase énte'l gran públicu con motivu de la Foguera de San Xuan qu'organiza'l Conceyu de Xixón na Playa del Natahoyo, pero los llectores d'Asturies.com van poder disfrutar d'un adelantu el miércoles qu'entra, cuando Asturies.com estrene en primicia'l cantar "vieyu combatiente" ún de los temes d'esti "Ensin Novedá" que fai l'octavu discu nos quince años de carrera del grupu avilesín y que los sos autores definen como una xuntura de rap-metal y ska-reggae, anque ensin escaecer otros estilos como'l rock o los inevitables toques de folk.

Pa poder ver Asturies.com TV y sentir la señal d'Asturies.com Radio ye preciso tener el reproductor Real Player. Descárgalu equí de baldre.