Asturies.com estrena una sección nueva

Asturies.com, en collaboración cola emisora lluanquina Onda Peñes, estrenamos "Asina foi... El Surdimientu" una nueva sección cola que queremos celebrar los 30 años de Conceyu Bable, l'Asociación cultural que, een 1974 echó a andar l'asturianismu contemporáneu y de la que cuayó la corriente lliteraria y artística de
recuperación del asturianu d'aquel tiempu: El Surdimientu. "Asina foi... El Surdimientu" ye un programa que s'emite cada quince díes na emisora Onda peñes y del que los llectores d'Asturies.com van poder ver un resume de cada entrevista. A lo llargo de les próximes selmanes, el director del programa Inaciu Galán y González, Maruxa Ceñera y otros collaboradores van entrevistar a los personaxes del
Surdimientu, que van alleganos a aquel tiempu, a la so opinión sobre'l
presente y el futuru d'esti movimientu y a los sos proyectos personales demientres
esclucamos na so personalidá, gustos y vida más personal.


Los personaxes que van pasar pel programa y per Asturies.com, son los
protagonistes d'esti movimientu; Homes y muyeres qu'escribieron
n'asturianu y llucharon pola llingua partiendo dende una situación
abondo negativa. Xente que
dende distintos ámbitos (lletres, arte, política,
etc.), llevaron alantre una revolución cultural que pasu ente pasu va calando na cai.
Los llectores d'Asturies.com, tamién vais
tener un papel perimportante dientro del programa, plantegando toles preguntes
que tengáis en mente pa los entrevistaos.

Esta selmana, pasen pelos micrófonos d'Onda Peñes l'escritor Mánfer de la Llera y el so fíu, Ramón d'Andrés, una familia ensin la que ye difícil entender la historia del sursimientu.
Calcar equí pa entrar a la nueva sección "Asina foi... El Surdimientu"