Asturies.com busca'l Meyor Cantar n'Asturianu 2004

Esti diariu entama otra vuelta con esti concursu, que cola ayuda de los nuesos llectores, pretende dar col meyor cantar n'asturianu de 2004. Darréu esplicamos como votar y entrar nel sortéu de los lotes de regalos que vamos repartir ente los participantes.

Asturies.com quier volver a da-yos la oportunidá a los sos llectores d'opinar y premiar al que consideren el meyor cantar n'asturianu del añu que ta p'acabar. Esta iniciativa tuvo una perbona acoyida l'añu pasáu cola participación de miles de los nuesos llectores, qu'escoyeron como cantar ganador "Brañas d'antañu" del grupu "Los Gatos del Fornu".

El concursu d'anguaño va tener la mesma metodoloxía que'l del otru añu. Pa entamar, dende güei vamos poner a disposición de los nuestros llectores esti formulariu onde van poder proponese canditatos. Ye obligatoriu rellenar tolos campos del formulariu, apuntando'l grupu escoyíu y el títulu del cantar. Recordamos que ye necesario dexar nome y dirección d'e-mail personales pa entrar asina nel sortéu de los trés lotes de regalos qu'incluyen discos de los patrocinadores d'esti concursu, les discográfiques "L'Aguañaz" y "Fonoastur", amás de llibros y otres sorpreses. Los cantares que puen proponese como candidatos tienen que cumplir les meses condiciones que se desixen nos premios qu'entama l'Academia de la Música. Ello ye, tienen que ser cantares orixinales, quedando fuera d'esta manera los tradicionales, con lletra n'asturianu -queden fuera de concursu los temes instrumentales- y que fueren publicaes por primera vez ente'l 1 d'avientu de 2003 y el 30 de payares de 2004.

Esta primer fase de selección va durar hasta'l día 10 de xineru a les doce la mañana. A partir d'esi momentu, acaba la primer fase, pasando a la final los trés cantares con más votos, que van poder votar llibremente tolos llectores d'Asturies.com nun Conceyu Abiertu.

Pa votar y entrar nel sortéu entrar nesta fueya.