Asturies vuelve a nivel baxu por COVID-19

El 26 de xunu abandonara esti estáu.

Los datos de la pandemia de COVID-19 siguen ameyorando n'Asturies, que vuelve a nivel d'alerta baxu mes y mediu depués. Entró oficialmente nél el miércoles pasáu, anque los indicadores tán toos en 'circulamientu controláu' o en baxu dende'l día 5, según los datos qu'ufre l'Observatoriu de Salú n'Asturies.

L'últimu indicador sanitariu en facelo de los seis que se tienen en cuenta foi'l del porcentaxe d'ocupación hospitalaria, que'l domingu, actualización última, taba nun 3,53 por cientu. El 13 de xunetu, cuando algamó'l puntu más altu dende que se dexara'l nivel d'alertu baxu'l 26 de xunu, asitiábase nel 11,98 por cientu.

Otra manera, el domingu permanecíen hospitalizaos con confirmación de COVID-19 165 pacientes, de los que 157 tán planta y 8 na UCI.

Na imaxe, gráficu del Observatoriu de Salú n'Asturies del porcentaxe d'ocupación hospitalaria con COVID-19 a fecha del 14 d'agostu.