Asturies robla un alcuerdu de cooperación empresarial con Darkhan

Una delegación institucional d'esti territoriu perteneciente a Mongolia ta de visita nel país.

El Gobiernu robló un alcuerdu de cooperación empresarial con Darkhan-Uul que va permitir a la Sociedá de Promoción Esterior Principáu d'Asturies (Asturex) buscar oportunidaes de negociu pa les empreses asturianes de los sectores de la minería, la construcción, les infraestructures, el tratamientu d'agües, les redes eléctriques y les industries de la piel nesti llugar d'Asia. El presidente Adrián Barbón recibió a Erdenebat Tseveendo, conseyeru d'Economía y Industria del presidente de la República de Mongolia, Battulga Khaltmaa, y a los sos acompañantes, alcuentru nel que tamién tuvieron presente el conseyeru de Desarrollu Rural, Agroganadería y Pesca, Alejandro Calvo; la direutora xeneral d'Industria, Rosana Prada; y la directora xerente de Asturex, Teresa Vigón.

Amás, la delegación asitática va participar mañana nna xornada qu'entama Asturex nel Parque Teuolóxicu baxo'l títulu 'Mongolia, oportunidaes de negociu y presentación del Proyectu Darkhan Leather Complex', dirixida a empreses asturianes interesaes nesti mercáu. Mongolia cuenta cola ganadería y les pieles como les sos principales fontes de riqueza.

Na imaxe, bandera de Darkhan-Uul.