Asturies rexistra'l primer casu de coronavirus

|
Adrián Barbón con Pablo Fernández Muñiz rueda de prensa coronavirus

L'afeutáu, que ta n'estáu grave, contaxóse previsiblemente nun eventu lliterariu en Portugal al que viaxó xunto cola so muyer, que dio negativo nes dos pruebes prauticaes.

Un home de 70 años ye la primer persona al que-y deteutaron el coronavirus COVID-19 n'Asturies. Foi'l sábadu, quedando ingresáu nel Hospital Universitariu Central d'Asturies (HUCA), onde sigue anguaño.

Residente en Xixón, anque d'orixe chilenu, la persona infectada acudiera a un eventu lliterariu en Póvoa de Varzim, nel norte de Portugal, llugar onde tendría contautu col coronavirus. Al mesmu acudió cola muyer, que nun ta afeutada.

El primer casu n'Asturies del virus con orixe na población china de Wuhan llevó al presidente del país, Adrián Barbón, a dar una rueda de prensa en compañía del conseyeru de Salú, Pablo Fernández Muñiz; el direutor xeneral de Salú Pública, Rafael Cofiño; la xerente del Sespa, Concepción Saavedra; y el xefe del serviciu de Vixilancia Epidemiolóxica, Ismael Huerta, pa informar sobre'l casu y tresmitir tranquilidá. L'afeutáu sigue anguaño ingresáu nel HUCA, con aislamientu, y el so estáu ye grave.

Na semeya, Saavedra, Fernández Muñiz, Barbón, Cofiño y Huerta.

Contador Estadistiques