La sangría del paru nun para. El númberu de desemplegaos nel mes de febreru medró en 69 persones, marcando asina otru tope históricu: 107.677 paraos. En comparanza colos datos del añu pasáu, hai 8.324 persones más ensin trabayu nel país.
La tasa de medra nel mes últimu queda establecida nun 0,06 por cientu, inferior en dalgo más d’un puntu a la media estatal (1,19 por cientu). Illes Balears y Melilla son los únicos territorios que presenten cifres positives, al sumar 1.562 (-2,64 por cientu) y 142 (-1,20 por cientu) paraos menos, de manera respeutiva, qu’en xineru. Nel otru llau de la balanza atopamos a Andalucía (2,06 por cientu), Ceuta (1,94) y Castilla y Lleón (1,82). El total de paraos nel Estáu ye de 5.040.222.
En términos añales, el paru creció n’Asturies nun 8,38 por cientu, perriba de la media estatal, situada nel 6,96 por cientu, lo que supón un total 328.124 desmplegaos más nel conxuntu del Estáu. Les comunidaes que presenten númberos peores son Castilla-La Mancha (12,10 por cientu), Cantabria (11,73) y Euskadi (11,72 por cientu), mentes que la única que consiguó baxar el paru foi Illes Balears (-4,48 por cientu).
Adxuntu | Tamañu |
---|---|
![]() | 1.16 MB |