Asturies queda en blanco

La postal del Monte Naranco ñeváu qu'encabeza esta noticia ye una amuesa de la ñeve que cayó esta mañana y que cubre yá media Asturies. Protección Civil anuncia que pa esta tarde ye fácil que la temperatura baxe un poco más dientro d'un empeoramientu que vien por una bolsa d'aire frío continental siberiano, colo que llegaría a trapiar, incluso a cuayar, hasta na mesma costa. Dende Protección Civil dan avisu de nun garrar el coche nun siendo que se tenga falta d'ello, mientres que tan pesllaes al tráficu la carretera a Enol y la d'El Puertu'l Couniu, y fain falta cadenes pa El Puertu Tarna, El Puirtu Braña, El Puertu L.leitariegos, El Rañadoiru, La Col.lada Zarréu, L'Acebu, El Puertu'l Palu, La Marta, El Puertu Somiedu, El Pozu las Muchieres Muertas, A Campa de Tormaleo, Ventana y El Puerto Payares. Pa conocer más damos enllace a los webs l'Institutu Nacional de Metereoloxía, Protección Civil y Meteo Red, a falta de poder dar un enllace al observatoriu d'Asturies, en cuantes que dependemos del de Santander, o del serviciu metereolóxicu que tienen otres comunidaes como Cataluña