Asturies presenta la so delegación pa Lorient

Dende'l trenta de xunetu al ocho d'agostu celébrase la 34 edición del Festival Intercélticu de Lorient, una añu más Asturies manda una delegación pa representar a la cultura asturiana. ASTURIES.COM va tener una corresponsal nel Festival pa dar información de primer mano d'esti importante festival.

La delegación asturiana d'anguaño faenla banda de gaites "La Reina del Ttruebano", "La Banda de Gaites de Candás", y el grupu de baille "Esbardu". Como formaciones folk van tar "Los Gatos del fornu" y Chus Pedro colos cantares del so "De ñublu y orpín", amás de la estrena de la obra sinfónica "Kelithe" de Ramón Prada . Tamién van participar en distintes actividaes el grupu "Muyeres" y Jose Manuel Tejedor, amás del grupu "DRD", que va participar nel concursu de grupos folk del Festival . Fuera de lo que ye la delegación oficial tamién va dir pa tierres bretones el grupu de Llaviana "Deua Dubra", que van participar nel concursu de grupos del Festival.

N'Asturies.com vamos contar con información puntual a lo llargo de tol Festival, colo que convidamos a los nuesos llectores a siguir tolo qu'ocurra nel Festival de Lorient al traviés d'esti diariu.