Asturies nun rexistra fináu nengún el llunes

Namái hebo 2 positivos por PCR na xornada.

Los datos de la pandemia de COVID-19 daos pol Gobiernu, actualizaos a les 20 hores d'ayeri, tornaron a dexar la cifra de 0 finaos, al igual que'l xueves pasáu. Asina, el total de muertes pola enfermedá causada pol coronavirus SARS-CoV-2 queda en 284.

Tamién foron bonos los númberos de positivos. Por PCR namái se rexistraron 2 tres 729 muestres procesaes, por 48 por tests d'anticuerpos con 3.461 pruebes feches, polo que'l númberu total de casos por COVID-19 asciende a 3.041. 

Na UCI hai 2 pacientes menos (33) y en planta 8 (153). Mentes, recibieron l'alta epidemiolóxica 19 persones más, lo qu'aumenta la cifra de curaos a 936.