Asturies nun recicla abondo

Según datos de la patronal de fabricantes d'envases de vidriuANFEVI, n'Asturies mandáronse a reciclar nel 2.002 un total de 20.393.641 envases, tres millones más que nel 2001. Estos envases que se recicleron permitieron que s'aforrasen 7.678 tonelaes de materies primes pa la fabricación d'envases nuevos, ello partiendo de qu'una tonelada de vidriu reciclao aforra 1.200 kilos de materiales.
Otramiente, la recuperación d'envases y cascos aforró 832 Tonelaes Equivalentes de Petróleu (TEP).


Con too y con ello, Asturies ye una de les comunidaes en que menos cascos de vidriu se recuperen, lo que diz muncho de lo poco desarrollada que ta la rede de recuperación y reciclaxe nel país. Les nuestres cifres abulten pequeñes en comparanza con Cataluña (264,2 millones d'envases) o Andalucía (144,1 millones). Incluso comunidaes con menos población qu'Asturies pañen más envases que nosotros, casu de Murcia, que recuperó 31,4 millones d'envases, quedando perbaxo d'Asturies namás que Cantabria (17,8 millones) y Extremadura (5,5 millones).