Asturies nun cabe na Europa vasca

El partíu nacionalista vascu Eusko Alkartasuna ta acabante d'echar a andar una campaña pidiendo la creación d'un departamentu vascu en Francia qu'enxertaría los tres territorios de Lapurdi, Behe Nafarroa y Zuberoa. Nel web especial d'EA sobre esta campaña, axúntase un mapa de lo que pa ellos ye la "Europa de los Pueblos". Una Herrian Europa perestraña na que se mecen criterios bien raros pa definir quien son esos pueblos. Asina, por poner un casu, el mapa axunta directamente tolos territorios de fala de tueru alemán, fundiendo nun mesmu pueblu Austria con Alemaña y Luxemburgu.
El so particular criteriu etno-llingüísticu dexa pasu tamién a reconocimientos de calter políticu como ye almitir la Padania como pueblu européu deseparáu d'Italia.Nesi mapa, que-yos da carta d'identidá a la Padania o a Cornualles, que nun tien nenguna reconocencia territorial dientro d'Inglaterra, Asturies apaez como parte d'España. A lo que se ve, Asturies nun ye quien pa entrar na Europa de los pueblos d'Eusko Alkartasuna.