Asturies, n'alerta por agua y inundaciones na mariña oriental

|
Previsión Aemet 23 d'ochobre del 2019

Hai cortes de carretera y víes de tren.

L'agua que ta cayendo dende esta madrugada n'Asturies y la previsión pa les hores próximes llevó a activar a les 13.20 hores el Plan Especial de Proteición Civil énte Inundaciones del Principáu d'Asturies (PLANINPA) en fase de preemerxencia. Dende'l Centro de Coordinación d'Emerxencies va facese un siguimiento continuu tanto de los parámetros meteorolóxicos como hidrolóxicos y va mantenese contautu permanente colos organismos encargaos de facilitar información necesaria pa la so evolución.

L'Axencia Estatal de Meteoroloxía (Aemet) tien actividada l'alerta naranxa hasta esta medianueche na mariña oriental por agua y fenómenos costeros, siendo ésta mariella na zona central y nel cordal y Picos por agua, a esceición de la zona suroccidental del país. Mañana l'avisu ye mariellu hasta les 6 hores na mariña oriental por fenómenos costeros.

En doce hores acumuláronse 100 llitros por metru cuadráu, provocando inundaciones y cortes de carretera y víes de tren. Llanes ye ún de los conceyos más afeutaos.

Contador Estadistiques