Asturies firma un conveniu con Doñana pal estudiu del osu

El Conseyu de Gobiernu de la otra selmana dexó, ente otros alcuerdos, ún d'interés pal mediuambiente asturianu. Ello ye que l'alministración asturiana aprebó la firma d'un conveniu de Collaboración ente'l Principáu d'Asturies y la Estación Biolóxica de Doñana, órganu dependiente del Conseyu Superior d'Investigaciones Científiques, pal seguimientu de la población d'osos n'Asturies y Ellaboración de Cartografía de Calidá d'Hábitat de la especie.

Según esplica l'alministración asturiana, ún de los oxetivos principales del Plan de Conservación del Osu ye la recuperación de la población, pa lo que se fai precisu'l seguimientu de la mesma y la so evaluación al traviés de técniques modernes, lo mesmo qu'apautar la calidá del hábitat que precisa l'osu pa desenvolvese. En cuantes qu'Asturies nun cuenta con medios nin personal capaz d'encargase d'ello, la firma del conveniu col centru andaluz supón un reblagu a les polítiques en conservación de la especie. L'importe del conveniu col centru de Doñana llega a la cantidá de 232.400 euros