Asturies firma con EasyJet

Easy Jet va despegar dende Ranón a partir del 20 d'abril con destín a Londres Nun trescendió'l coste p'Asturies de la implantación d'Easy Jet en Ranón, pero según la conseyera de Cultura Ana Rosa Migoya'l Principáu decantose pola compañía inglesa por considerar que ye la que meyor respuende a los intereses de promoción d'Asturies nel esterior. La fiabilidá y seguranza de los aviones d'Easy Jet, propietaria d'una flota na que nengún avión pasa de los 6 años, foi otru de los factores que se tuvieron en cuenta pa facer el tratu con EasyJet.

De cualquier manera queden munchos flecos por iguar, ente ellos el saber en qu aeropuertu de Londres va posase l'avión asturianu, anque Heatrow ta descartao y Stansted perfílase como una de les meyores opciones, aterrizando ellí los aviones de la compañía que van dende Bilbao. Más nel aire ta entovía lo de Berlín pa onde nun hai fecha acutada, anque la conseyera dio anuncia de que, a lo llargo del 2006 podría ponese un tercer destín. Los precios van ser a partir de 26,99 euros. Cristina Bernabé, responsable d'Easy Jet, esplicó que les previsiones de la compañía pasen por llevar al añu unos 90.000 pasaxeros dende Ranón y traer a Asturies otros 70.000 turistes. Los billetes van poder mercase d'equía la vuelta d'unos díes na web de la compañía