Asturies celebra a la Virxe del Carme

Asturies entero festeya esti fin de selmana a laVirxe del Carme, con folixa y romería per tola xeografía del país. Cangas del Narcea, cola tradicional descarga pirotécnica, y la Pola Siero, col popular Carmín son les dos villes que más xente van aconceyar estos díes, nos que les villes marineres celebren tamién les sos tradicionales procesiones marineres, rescamplando les celebraciones de Lluanco, L.luarca, Llanes o San Esteban.

La descarga de Cangas va celebrase güei sábadu a les ocho de la tarde, hora en que va entamar el restallu de los más de 80.000 volaores. Pela so parte'l Carmín arranca a les cinco de la tarde col concursu d'echadores de sidra y el Festival de Folclore, con un güecu pa la xente mozo nel "festipráu", con grupos como Skimo, Klaus y The Happy Amish, anque como ye tradición, lo más gordo del carmín queda pal llunes, día en que se celebra la baxada del prau.