Asturies abre una canal de solidariedá nel Líbanu

El Director de l'Axencia Asturiana de Cooperación al Desarrollu Rafael Palacios desarrolló a lo llargo de la selmana pasada y hasta esti mesmu martes un viaxe al Líbano, onde s'entrevistó col Presidente del país, Emile Lahud y conoció de primer mano cual ye la situación del país y de los refuxaos palestinos en Líbano.

El director de cooperación d'Asturies ve nel Líbanu un país nel qu'entovía se conoz la marca de la guerra civil que se llucho dende 1975 hasta 1990, y un país nel que la paz, nun queda llibre de tensiones pola presencia militar israelina nel sur del Líbano y la siria nel valle de la Bekáa. Esta ye la tierra na que viven 400.000 refuxaos palestinos repartíos en 12 campos, según constató la delegación asturiana, en condiciones poco afayadices y nuna situación d'abandonu qu'intenten menguar delles ayudes internacionales. Rafael Palacios sorrayó que, amás de les dificultaes materiales, ta'l problema del "limbu" llegal en que s'alcuentra esti colectivu, que nun tien derechu, ente otres coses, a exercer mas de 72 profesiones, a la educación, a la sanidá y servicios sociales o a la propiedá privada.

L'axencia asturiana de cooperación collabora nesta zona colos trbayos del comité de solidaridá cola causa árabe con estos campamentos, pero pa Rafael Palacios la importancia del viaxe yera la d'establecer contactos con organizaciones non gubernamentales y axentes políticos de la zona col oxetivu de facese un meyor conceptu de la situación na zona y de posibles llinies a siguir apautando nuevos caminos de collaboración human itaria y política, asumiendo l'Axencia'l compromisu de denunciar esta situación n'organismos internacionales.

Rafael Palacios tuvo tamién un alcuentru col Comité d'Apoyu palestín contra la política de Xaron y asistió a un actu solemne n'homenaxe a les víctimes de les matances de Xabra y Xatila, de les que se cumplen agora 22 años y poles que podría sentase d'equí a la vuelta d'unos años nel escañu de los acusaos el dirixente israelín.
La historia d'esta masacre vien del 16 de setiembre de 2002, cuando tropes de la falanxe libanesa entraron a estos campamentos de refuxaos cola ayuda del exércitu d'Israel matando a cerca de 3.000 civiles indefensos. Venti años demués entamose un procesu contra Ariel Xarón, daquella ministru de defensa.

El xuiciu, que tendría de tener llugar en Bélxica, pasa per un camín estráu de problemes, tanto por de disposiciones llegales como pola desapaición física d'Elei Hobeika, ún de los autores materiales de les matances y un de los testigos que más podíen dicir contra Sharon. La bomba qu'acabó cola vida de Hobeika y el determín de Sharon a escosar el so mandatu presidencial nel 2007, espurrendo al másimu la inmunidá diplomática que tien como presidente d'Israel, son dos de los pilancos más gordos nel camín d'esti procesu