Asturies, a la cola en biblioteques públiques

La Comisión Europea ta acabante d'entamar procedimientos d'infracción contra España y otros cinco estaos de la UE por incumplimientu de la directiva europea sobre derechos de autor que manda que los autores tienen de recibir un pagu pol alquiler o empréstamu de les sos obres. Ello ye, llevao a la práctica, que les biblioteques públiques van tener que pagar derechos d'autor, cosa que yáse da en dellos estaos de la UE mientres qu'España ta mirando, per tolos medios posibles de llibrar d'esta tasa.

La directiva que manda esti cobru ye la 92/100 y lleva aprebada dende va doce años, y l'estáu español enxertola na so llexislación nel añu 1.996 de la que se remocicó la llei de Propiedá Intelectual, pero daquella'l gobiernu guardose d'aplicala dafechu y amestó que les biblioteques públiques y otros llegaresasemeyaos quedaben esentos da pagar tasa. Italia, Irlanda y Portugal ficieron otru tanto, y en cuantes que Bélxica ta acabante de llevar una sanción europea polos mesmos motivos nun sedría d'estrañar que los comisarios europeos actuaren d'oficiu contra la situación española. El gobiernu nuevu va tener que decidir nesti sentíu

De cualquier manera, esta tasa por derechos d'autor en biblioteques nun quier dicir que los llectores tendríen que pagar por cada llibru que sacaren. El pagu en tolos paises en que se fai ye siempres indirectu, y ye la rede de biblioteques la que recibe una partida tolos años pa facese cargu d'esos pagos.

Los países nórdicos, que son tamién los que tienen un índiz de llectura y empréstamu de llibros más altu na rede de biblioteques públiques, foron tamién de los primeros en pagar canon a autores, y otros como Gran Bretañaadoptaron esta midida en 1.979. L'argumentu nel que s'atecha España pa nun pagar ye que la capacidá y densidá de la rede de biblioteques española nun llega, nin con muncho, a la media europea, colo que'l gobiernu tien de facer un esfuerzu mayor pa ponese al altor del continente, pa lo que la tasa sedría una estorbisa

Nel casu asturianu, la situación ye entovía más diverxente de la media. La estadística de biblioteques del INE pon a Asturies a lo cabero d'una llista na que Estremadura tien 4,4 biblioteques por cada 10.000 habitantes, Aragón 2,9 y Castiella-La Mancha 2,6, mientres que los asturianos, con 176 biblioteques en total, tocamos a 1,4 por cada 10.000 personesasturianu, la situación ye entovía más diverxente de la media. La estadística de biblioteques del INE pon a Asturies a lo cabero d'una llista na que Estremadura tien 4,4 biblioteques por cada 10.000 habitantes, Aragón 2,9 y Castiella-La Mancha 2,6, mientres que los asturianos, con 176 biblioteques en total, tocamos a 1,4 por cada 10.000 persones