Asturianos en Madrid recibe sofitu oficial

L'asociación Asturianos en Madrid (ASMA) y la Conseyería de Xusticia y Esteriores presentaron ayeri un plan d'actividaes conxuntu que supón la primer collaboración oficial ente esta asociación qu'axunta a la emigración más mozo na capital del estáu y un organismu del Gobiernu asturianu. 30.000 euros tien de financiación esti plan que va ayudar a ASMA, asociación creada va agora cuatro años y que tien yá 1.800 socios, a desarrollar les sos actividaes. La subvención pa valir pa cubrir los costes de los eventos lliterarios, cinematográficos y de música tradicional que va facer ASMA y que van levase alantre en Madrid y tamién n'otres ciudaes como Barcelona o Bruseles.

ASMA fai esperiencies d'intercambiu d'información ente los emigrantes asturianos en Madrid, desarrolla actividaes culturales, profesionales y empresariales en collaboración tamién con instituciones asturianes como l'IDEPA y celebra alcuentros ente los sos socios, amás d'ayudar a la busca de vivienda en Madrid y organizar asistencies en ruta pa trayectos ente Asturies y Madrid. El conseyeru d'esteriores Javier Valledor sorrayó que nun se trata con esto de quita-yos protagonismu a los cenrtos asturianos, más de d'atender a les necesidaes de la emigración más mozo.