Astur Paredes fala de la casa tradicional asturiana en Villaviciosa

L'investigador y etnógrafu Astur Paredes va dar esti vienres una conferencia na sede de la Fundación José Cardín Fernández de Villaviciosa. Na so intervención, que va entamar a les 19:30h, Paredes va analizar la evolución de la casa tradicional asturiana partiendo d'exemplos del mesmu conceyu de Villaviciosa.

Astur Paredes (Uviéu 1956) ye autor d'obres como "La Casa Redonda" y "La Casa Tradicional Asturiana" asoleyaes nel 1997, y de "Tipoloxía de la casa tradicional na marina occidental asturiana - "as casías" del 1998. Esti mesmu añu asoleyó en collaboración col etnógrafu Adolfo García una nueva obra sobre l'arquitectura popular asturiana. Testigu directu de la degradación del patrimoniu asturianu nos más de trenta años que lleva estudióndolu, Paredes afirma que los asturianos asistimos a un procesu de "destrucción acelerada" del mesmu. Amás del so llabor como investigador y del so papel na Fundación cultural "Belenos", Paredes ye tamién artista plásticu y diseñador gráficu , diseñado les portaes y cartafueyos de cerca d'un cientu de discos pa músicos asturianos como Hevia, Joaquín Pixan, Nuberu, Xuacu Amieva, Muyeres o la OSPA.