Asesináu un conceyal asturianu n'Euskadi

Ayeri, nuna acción de la ETA, dos persones mataron d'un tiru a Juan Priede nun chigre d'Orio, un pueblu de la costa de Guipuzkoa. L'asesinatu de Priede, únicu conceyal del PSE-EE n'Orio y natural de Xixón, vien nun momentu enforma abegosu na vida política vasca. Tolos periódicos vascos espeyen esta mañana la noticia na so portada. Apurrimos los links de El Correo Vasco, El Diario Vasco, Deia y GaraMientres d'una parte, el Gobiernu central ta preparando una reforma de la llei de partíos políticos pensada pa dexar fuera de la llei a agrupaciones como Batasuna; d'otra, esti fin de selmana celébrase'l congresu del PSE-EE, tercera fuerza política n'Euskadi y al que'l partíu llega tres una crisis interna esgayáu en dos corrientes. La primera, liderada por Patxi López, que vien cola etiqueta de favoritu, diz que nun quier seguir enanchando la resquiebra col PNV, mientres la segunda, col alcalde d'Ermua Carlos Totorika a la cabeza, diz que nun quier saber nada de pautos con partíos vascos y'l so apueste pasa per facer un exe común col PP. Una tercer vía intermedia (y minoritaria) ye la del "Nuevu Socialismu Vascu" de Gemma Zabaleta

Contador Estadistiques