Arturu Xosé Bermeyu y María Dolores Suárez Vallina, candidatos d’Andecha Astur a les eleiciones

|

Arturu Xosé Bermeyu encabeza la llista d’Andecha Astur al Congresu, mentes que María Dolores Suárez Vallina ye la candidata de la formación al Senáu. Los nacionalistes algamaron 1.300 firmes pa poder presentase a les eleiciones.
 
Esta tarde ta previsto qu’Andecha Astur entregue tola documentación necesaria na Xunta Eleutoral d’Asturies tres iguar dellos defeutos de forma qu’impidieron facelo pela mañana, según señaló Bermeyu a Asturies.com. Al final, la formación nacionalista consiguió axuntar cerca de 1.300 avales –la llei nueva eleutoral esixe 989 n’Asturies– que mañana van pasar al censu onde, tres analizales, darán lluz verde a la candidatura d’Andecha, la única asturianista nestes xenerales. Tola documentación presentada ta n’asturianu dafechu.
 
Bermeyu, que descarta la posibilidá de retirar la candidatura a última hora como planteaben parte de les bases, espera ganase l’apoyu de los votantes asturianos, a los que pide “que nun voten a los partíos mayoritarios" col oxetivu de "recuperar la democracia”. El cabeza de llista d’Andecha, qu’asegura “comprender” la postura de les otres formaciones del espaciu asturianista que decidieron nun presentase, señala que l’oxetivu de la so organización nestes eleiciones “ye tresmitir un mensaxe asturianu, soberanista” aprovechando que nesti tiempu previu a la cita coles urnes “la xente ta más sollerte” a lo que tresmiten los partíos políticos.
 
Sobre l’asuntu de les sigles y los pleitos xudiciales qu’hubo nel pasáu, el candidatu al Congresu apunta que “ta too nidio; los trés conceyos quedaron anulaos”, y dice tar convencíu de que nun va haber pleitos nuevos. D’igual forma, señala que va convocar un conceyu nacional, previsto nun principio pa estes feches, tres la celebración de les xenerales.

Comentarios

Norabona a Andecha Astur por presentase a les elecciones estatales hespañoles. Tanta griesca por reclamar la marca Andecha Astur d'una xente pa nun presentase depués ye sintomático y definitorio de a quién pertenecen y de quién són daveres unes sigles históriques del asturianismu: del que las exerce. El qu'abandona pierde y el que resiste, siempre gana.
 
Xavi Vilareyo.
 
 

 abcd

H.uas, h.uas, h.uas.... h.a, h.a, h.a... que me parto... h.uas, h.uas, h.uas, h.uas, h.uas, diz que "sigles históriques", h.a, h.a, h.a, h.a, esta sí que ye gorda...

La lacra tarda en desaparecer, pero al caer quien les da de comer, lease la FSA, caeran los perros que comían de la mano del amo.

Andecha Astur=Espublizastur=N´Ast=Democracy for Asturies= Conceyu Abiertu= Frayando Cabeces= Tomadura de pelu de les más gordes, como esa axencia pantasmal onde ye unu´l que remana milenta blogs, toos diciendo lo mesmo, como que son la de deus de xente puxando. Friquismu de lo más absoluto. Quemar una docena de mocinos cada xeneración. Dar la nota nes manis pola Oficialidá. Enriedar na rede lo que nun ta escrito. Cibernacionalismu puru y duru. Tu vas peles cais y caleyes asturianes y eses "sigles históriques" nun esisten, nin. Ni les reivindicaciones territoriales tuyes tampocu. Pa llorar o rir, yo yá nun sé.

Contador Estadistiques